Drikkevassforsyning
Herøy Vasslag SA har ansvar for å levere drikkevatn i tilstrekkeleg mengde og med tilfredsstillande kvalitet i laget sitt forsyningsområde. Vassforsyninga blir driven i samsvar med Lov om matproduksjon og mattryggleik og Forskrift for vassforsyning og drikkevatn.
I tillegg til private hushaldningar leverer vasslaget vatn til fiskeribedrifter, helseinstitusjonar, landbruk, industri og kontorbygg.
Om vatnet vi leverer
Mørkevatnet på Moltufjellet er felles vasskjelde for Moltustranda vassverk og Herøy Vassverk. Vasskjelda ligg 310 meter over havet og har eit samla sjøareal på om lag 285 000 m².
Det regulerte magasinet har ein kapasitet på 340 000 m³. Nedbørsfeltet som gir tilsig til vasskjelda utgjer 2,3 km². Reguleringsmagasin med kloringsanlegg ligg 150 meter over havet.
Råvatnet er svakt humushaldig og har naturleg låg pH.
Vasskvalitet og kontroll
For å sikre at abonnentane får vatn av tilfredsstillande kvalitet, blir det teke regelmessige prøver av vatnet både før og etter behandling. I tillegg blir det gjennomført kontrollar ved seks ulike punkt ute på leidningsnettet.
Det blir analysert for bakteriar, farge, lukt, smak, pH og partiklar.
Råvatnet har ein pH på om lag 6,4. Etter behandling ligg pH ute på nettet i snitt rundt 7,1, med mål om stabil pH på 7,5.
Hardheitsgrada på vatnet frå Herøy Vasslag er 0,02–0,06 dH°, og blir rekna som svært mjukt vatn. Vatnet frå Stemmedal har ei hardheitsgrad på om lag 2,5 dH°.
01.
Varsel & driftsmeldingar
Ved leidningsbrot, driftsforstyrringar eller kokepåbod blir abonnentane varsla via SMS-tenesta Varslemeg.no. Det er abonnenten sitt ansvar å sørgje for at korrekt mobilnummer er registrert. Driftsmeldingar blir også publiserte på nettsida ved behov.
02.
Brannvatn
Herøy Vasslag SA legg til rette for utbygging av brannvatn i samsvar med gjeldande lover og forskrifter, der dette er teknisk og økonomisk forsvarleg. Kvar utbygging blir vurdert for å sikre god kapasitet og trygg tilgang på sløkkevatn.
03.
Private vassleidningar og tekniske krav
Private vassleidningar skal byggjast og vedlikehaldast av eigaren. For å knyte seg til vasslaget sitt nett må fastsette kvalitetskrav vere oppfylte. VA‑norm for Sunnmøre, med lokale føresegner for Herøy, gjeld for alle nye utbyggingar og tiltak knytte til vassforsyningsanlegg.
04.
Gebyrregulativ og prisar
Årsmøtet vedtek gebyrregulativ som gjeld for etterfølgjande år. Årsgebyret er sett saman av:
gebyrregulativ og prisar
-
Abonnementsgebyr, fast årleg
-
Forbruksgebyr, stipulert eller etter målar
-
Gjeldande prislister og revisjonar.
05.
Beredskapsplan
Herøy Vasslag SA har utarbeidd beredskapsplan for å ivareta sitt overordna samfunnsansvar for vassforsyninga. Dei viktigaste samarbeidspartane i beredskapssamanheng er Herøy kommune og Mattilsynet.
06.
Vidare dokumentasjon
Lenker til relevant dokumentasjon og nedlastbart materiale